पुणे कोरोनानं हादरलं, कामगाराच्या अचानक मृत्यूनंतर आला धक्कादायक रिपोर्ट

0
33

🛑 पुणे कोरोनानं हादरलं, कामगाराच्या अचानक मृत्यूनंतर आला धक्कादायक रिपोर्ट 🛑
पुणे :(विलास पवार ब्युरो चीफ युवा मराठा न्युज )

पुणे, 29 मे : पुण्यात कोरोनाचा प्रसार वाढत असताना पुणे जिल्ह्याच्या रांजणगाव व चाकण औद्योगिक वसाहतीत आता कोरोचा शिरकाव झाला असून रांजणगाव औद्योगिक वसाहतीतील एका कामगाराचा कोरोनाने मृत्यू झाल्याची दुर्दैवी घटना घडली आहे. रांजणगाव औद्योगिक वसाहतीतील एका मोठ्या कंपनीत हा कामगार पुण्याच्या हडपसर भागातून कामासाठी येत होता. परंतु या कामगारांचा अचानक मृत्यू झाला.

मृत्यूनंतर या कामगाराची कोरोना तपासणीसाठी स्वॅब घेण्यात आले होते. या धक्कादायक अहवाल समोर आला आहे. या कामगाला कोरोनाची लागन झाल्याचं स्पष्ट झालं असून कोरोनाने या कामगाराचा मृत्यू झाल्यानं रांजणगाव औद्योगिक परिसरात एकच खळबळ उडाली आहे. या व्यक्तीच्या संपर्कात आलेल्या इतर 50 कामगारांना आता क्वॉरंटाईन करण्यात आलं आहे.

तर दुसरीकडे चाकण औद्योगिक वसाहतीतील खराबवाडी इथे एका प्रसिद्ध आणि बड्या कंपनीतील कामगाराला कोरोनाची लागण झाली आहे. या कामगारावरती पिंपरी चिंचवडमधील एका रूग्नालयात उपचार सुरू आहेत. हा कामगार पिंपरी चिंचवड परिसरातील काळेवाडी इथून चाकण औद्योगिक वसाहतीत कामाला येत होता. त्यामुळे या कामगाराच्या संपर्कातील कामगारांनाही प्रशासनानं आता क्वॉरंटाईन केलं आहे.

दरम्यान, पुण्यात गुरुवारी रुग्णांच्या संख्येत धक्कादायक वाढ झाली. दिवसभरात 318 पॉझिटिव्ह रुग्णांची वाढ झाली आहे. तर दिवसभरात 205 रुग्णांना डिस्चार्ज मिळाला. तर 10 करोनाबाधीत रुग्णांचा मृत्यू झाला. 150 क्रिटिकल रुग्णांवर उपचार सुरू आहेत. त्यात 49 रुग्ण व्हेंटिलेटरवर उपचार घेत आहेत. त्यामुळे पुण्यात एकूण पॉझिटिव्ह रूग्णसंख्या 5851 वर गेली आहे. पुण्यातील अॅक्टिव्ह रुग्ण संख्या 2294 झाली आहे. तर मृत्यूचा आकडा 293 वर गेला आहे. आतापर्यंतच एकूण 3264 जणांना डिस्चार्ज देण्यात आला आहे. काल 1315 नमुन्यांची (स्वॅब) तपासणी करण्यात आली. त्यामुळे कोरोनाची वाढ रोखायची कशी असा प्रश्न सरकारला पडला आहे.

लॉकडाऊन 4.0 संपायला आता फक्त काही दिवस राहिले आहेत. केंद्र आणि राज्य स्तरावर आता त्याचा आढावा घेतला जात आहे. 31 मे पर्यंतचा हा लॉकडाऊन संपल्यानंतर आणखी 15 दिवस वाढवला जाऊ शकतो Lockdown 5.0. हा लॉकडाऊन आणखी वेगळ्या स्वरुपाचा असू शकतो. त्यासंदर्भात केंद्रीय सचिव राजीव गौबा यांनी आज कोरोनाचा प्रकोप असलेल्या महत्त्वाच्या 13 शहरांच्या आयुक्तांशी चर्चा केली.

Previous articleशाळा सुरू करण्यासंदर्भात मुख्यमंत्री उद्धव ठाकरेंचं वक्तव्य
Next articleपाच दिवसांत गवळीने नागपूर कारागृहात शरण यावे
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here