सातारा जिल्ह्यात आणखी ६ बळी!

0
129

⭕ सातारा जिल्ह्यात आणखी ६ बळी! ⭕
सातारा 🙁 विजय पवार ब्युरो चीफ युवा मराठा न्युज )

कोरोना बाधितांनी द्विशतक ओलांडलेल्या सातारा जिल्ह्यासाठी शुक्रवार बळीवार ठरला. जावली तालुक्यातील वरोशीतील कोरोना बाधिताचा मृत्यू झाला तर उंब्रज येथील दोन महिन्याच्या बाळाचा, नांदलापूर, कराड येथील महिलेचा व पाचगणी येथील मुंबई रिटर्न महिला या तीन संशयितांचाही शुक्रवारी मृत्यू झाला. एवढेच नाही तर जावलीतील तालुक्यातील मुंबईस्थित दोन युवकांचाही मृत्यू झाला. ओझरे व बेलोशी येथील या युवकांचा मृत्यू झाल्याने जावली हादरली आहे. कोरोना बाधितांची संख्या २०१ असताना शुक्रवारी आणखी २६८ कोरोना संशयित दाखल झाल्याने सातारा जिल्ह्यात घबराट उडाली आहे.

जिल्ह्यात 4 दिवसांपासून बाधितांची संख्या वेगाने वाढत आहे.
मंगळवारी २८ बुधवारी १५ तर शुक्रवारी २० असे तीन दिवसांत तब्बल ६३ पॉझिटिव्ह रुग्ण आढळले आहेत. मुंबई, पुणेसह इतर ठिकाणांहून येणारे प्रवाशी पॉझिटिव्ह आढळत असल्याने प्रशासनाची डोकेदुखी वाढली आहे. शुक्रवारी जावली तालुक्यातील वरोशी येथील ५८ वर्षीय पुरुष पॉझिटिव्ह आल्याने त्याला जिल्हा रुग्णालयात दाखल करण्यात आले. प्रकृती चिंताजनक झाल्याने त्यांना कृष्णा हॉस्पिटल येथे हलवण्यात आले. येथे शुक्रवारी सकाळी त्यांचा मृत्यू झाला.

या रुग्णाला मधुमेह व श्वसन संस्थेचा त्रास होत असल्याचे समोर आले आहे. याचवेळी वरळी (मुंबई) येथून आलेल्या पाचगणी येथे होम क्वारंटाईन असलेल्या ६४ वर्षीय महिलेचा दमा व ह्रदयविकाराने मृत्यू झाला आहे. घाटकोपर (मुंबई) येथून आलेल्या २ महिन्यांच्या चिमुरड्याचा श्वास घेण्यास त्रास होत असल्याने कृष्णा मेडिकल कॉलेज येथे मृत्यू झाला. तर नांदलापूर (ता.कराड) येथील ६० वर्षीय महिला संशियत म्हणून दाखल असताना तिचाही मृत्यू झाल्याने जिल्ह्यात एकच खळबळ उडाली आहे. या तिघांच्याही घशातील स्त्रावाचे नमुने तपासणीसाठी पाठवण्यात आले असून अहवाल आल्यानंतरच नेमके कारण समोर येणार आहे. जिल्ह्यात आतापर्यंत कोरोनाने खेड (ता. सातारा), बनपुरी (ता. पाटण), म्हारूगडेवाडी (ता. कराड), कोळकी (ता. फलटण) व वरोशी (ता. जावली) येथील पाचजणांना गिळंकृत केले आहे. त्याचबरोबर जावली तालुक्यातील ओझरे व बेलोशी या गावांमधील दोन युवकांचाही मुंबईत मृत्यू झाल्याने ही गावेही हादरून गेली.

Previous articleपुण्यातील रस्ते खुले; मुख्य रस्त्यांवर वाहतूक सुरू
Next articleधक्कादायक” नांदेड जिल्ह्यात आज दिवसभरात 9 रुग्णांची भर, यात एका 6 वर्षीय चिमुकलीलाही कोरोनाची बाधा*
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here