१,६६६ पोलिस करोनाग्रस्त! दोन दिवसांत तब्बल २८८ पोलिसांना लागण

0
32

 

⭕ १,६६६ पोलिस करोनाग्रस्त! दोन दिवसांत तब्बल २८८ पोलिसांना लागण ⭕
मुंबई 🙁 विजय पवार ब्युरो चीफ युवा मराठा न्युज )

मुंबईसह: राज्यातील पोलिस दलातील अधिकारी, कर्मचाऱ्यांना करोनाची लागण होण्याचे प्रमाण वाढतच असून, त्यामुळे पोलिस दलासह त्यांच्या कुटुंबीयांमध्येही चिंतेचे वातावरण पसरले आहे. गुरुवारपर्यंत राज्यातील पोलिस दलातील करोनाबाधित अधिकारी, कर्मचाऱ्यांची संख्या १,६६६ इतकी झाली. दोन दिवसांत तब्बल २८८ पोलिसांना लागण झाली आहे. करोनामुळे आत्तापर्यंत मृत्यू झालेल्या अधिकारी, कर्मचाऱ्यांची संख्या १७ इतकी आहे.
राज्यात करोनाबाधित पोलिसांमध्ये १८३ अधिकारी आणि १४८३ कर्मचाऱ्यांचा समावेश आहे. स्थलांतरित श्रमिकांची ने-आण, दररोजचा बंदोबस्त, तपासणी, चेकनाक्यावरील ड्युटी अशा विविध कामांत अडकून पडलेल्या पोलिसांना करोनाचा संसर्ग होण्याचा धोका सर्वाधिक आहे.
विलेपार्ले, ठाणे येथेही मृत्यू
गुरुवारी रात्री विलेपार्ले पोलिस ठाण्यातील शिपाई, ठाणे पोलिस दलातील महिला शिपाई यांचे करोनाने निधन झाले. त्यामुळे दलात हळहळ व्यक्त होत आहे.
४७८ जण करोनामुक्त
पोलिसांमध्ये करोनाचा प्रादुर्भाव वाढत असला तरीही या विषाणूशी यशस्वी लढा देणाऱ्यांची संख्या ४७८ इतकी झाली आहे. करोनाची लक्षणे दिसताच या सर्वांवर तातडीने उपचार सुरू करण्यात आले. परिणामी ३५ पोलिस अधिकारी, ४३८ कर्मचारी करोनामुक्त झाले आहेत.
मुंबईत ‘लॉकडाउन’ कारवाईत वाढ
मुंबईत लॉकडाउन मोडणाऱ्यांविरोधातील कारवाईही वाढली असून, आत्तापर्यंत शहरात ६,७८९ गुन्हे दाखल झाले आहेत. त्यात अवैधरित्या सुरू करण्यात आलेली हॉटेले, पानटपऱ्या, इतर दुकाने, वाहतूक आदींविरोधातील दाखल गुन्ह्यांचाही समावेश आहे. घराबाहेर पडताना मास्क वापरण्याचे बंधन न पाळणाऱ्यांविरोधातही कारवाई केली जात आहे. अशांची संख्या १,२४० पर्यंत पोहोचली आहे.

Previous articleकोकण विभागातून ३.१५ लाखांपेक्षा जास्त परप्रांतीय मजूर रवाना !
Next articleसुरगाण्यात आमदारांनी घेतला पाणी टंचाई गावांचा आढावा
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here