देगलुरात एकाच दिवशी 28 जण कोरोना बाधित

0
57

राजेंद्र पाटील राऊत

20210316_180456.jpg

देगलुरात एकाच दिवशी 28 जण कोरोना बाधित (संजय कोंकेवार युवा मराठा न्यूज देगलूर)देगलूर शहरातील साधना शाळेतील 20 विद्यार्थी तर ओपीडीतील आठ जणांचा समावेश असून, जिल्ह्यातील मागील काही दिवसापासून कोरोना संसर्गाने पुन्हा मुसंडी घेतली आहे. देगलूरात आज सोमवार दिनांक 15 मार्च या एकाच दिवशी 28 जन बाधितआल्याने प्रशासनासह नागरिकात एकच खळबळ माजली आहे. शहरातील साधना शाळेतील विद्यार्थ्यांचा व उपजिल्हा ग्रामीण रुग्णालयातील आठ जणांचा समावेश असल्याची माहिती, तालुका आरोग्य अधिकारी डॉ.आकाश देशमुख यांनी दिली. जिल्ह्यात कोरोणा चा वाढता प्रादुर्भाव लक्षात घेऊन प्रशासनाने दिनांक 12 मार्च ते 21 मार्च या कालावधीत आस्थापनावर काही निर्बंध घातले आहेत. मात्र यावर अंकुश ठेवणारी नगरपालिका, महसूल, व पोलीस प्रशासनाने बेफिकीर असल्यामुळे शहरासह तालुक्यातील नागरिक ना.. मास्क ,ना..सोशल डिस्टन्स, ना.. सॅनिटायझर या त्रिसूत्री कोरोना ढालीचा वापर करत नसल्यामुळे दिवसागणिक कोरोणा संसर्ग बळावत असल्याचे चित्र दिसून येत आहेत. गेल्या पंधरवड्यात शहरासह तालुक्यातील 39 जण बाधित झाले होते. यापैकी साधना माध्यमिक शाळेतील दोन शिक्षकांचा समावेश होता. त्या अनुषंगाने शाळेतील दहाव्या वर्गातील 100 विद्यार्थ्यांची सोमवारी दिनांक 15 मार्च रोजी अँटीजन तपासणी केली असता, 20 विद्यार्थी बाधित आढळून आले. त्यामुळे शैक्षणिक वर्तुळात एकच खळबळ माजली आहे. तर त्याच दिवशी येथील उपजिल्हा रुग्णालयात सर्दी, ताप ,खोकला आलेल्या 26 रूग्णांची तपासणी केली असता, यामध्ये आठ रुग्ण बाधित आढळून आले. विविध क्षेत्रात तपासणी मोहीम राबवली तर नक्कीच शेकडोंच्या संख्येत हा आकडा जाईल यात कोणतेही दुमत दिसून येत नाही. यावर आळा बसविण्यासाठी देगलूर स्थानिक प्रशासनाकडून कठोर पावले उचलणे गरजेचे बनले आहे.

Previous articleवासोळ गावी वीज कर्मचाऱ्यांना मारहाण पोलिसात गुन्हा दाखल
Next articleफिरते पशुवैद्यकिय दवाखान्याचे आमदार रावसाहेब अंतापूरकर साहेब यांच्या हस्ते उद्घाटन (
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here