पवार ऍक्शन मोडवर : मुख्यमंत्र्यांना न भेटता थेट नांगरे पाटलांना बोलावले, अर्धा तास चर्चा

0
47

राजेंद्र पाटील राऊत

IMG-20210315-WA0068.jpg

🛑 पवार ऍक्शन मोडवर : मुख्यमंत्र्यांना न भेटता थेट नांगरे पाटलांना बोलावले, अर्धा तास चर्चा 🛑
✍️ मुंबई 🙁 विजय पवार महाराष्ट्र प्रतिनिधी युवा मराठा न्युज )

मुंबई :⭕ मागील काही दिवसांपासून राज्यात मनसुख हिरेन आणि मोहन डेलकर यांची आत्महत्या प्रकरणं चांगलीच गाजत आहेत.

विरोधकांनी या दोन्ही प्रकरणावरून अर्थसंकल्पीय अधिवेशनात ठाकरे सरकारला (Thackeray Govt)चांगलेच कोंडीत पकडले. विरोधकांनी घेतलेल्या आक्रमक भूमिकेमुळे ठाकरे सरकार बॅकफूटवर आल्याचे दिसून आले.

विशेष म्हणजे याच पार्श्वभूमीवर राष्ट्रवादी काँग्रेसचे अध्यक्ष शरद पवार(Sharad Pawar) हे काल मुख्यमंत्र्यांना भेटणार असल्याची चर्चा रंगली होती. मात्र पवारांनी मुख्यमंत्र्यांची भेट न घेता थेट मुंबई पोलीस कायदा आणि सुव्यवस्था विभागाचे सह आयुक्त विश्वास नांगरे पाटलांना आपल्या निवासस्थानी बोलावून जवळपास अर्धा तास चर्चा केली. या दोघांच्या भेटीमुळे राजकीय वर्तुळात चर्चांना उधाण आलं आहे.

रात्री उशिरा सिल्व्हर ओक या निवासस्थानी विश्वास नांगरे पाटलांनी शरद पवारांची भेट घेतली असून, कायदा आणि सुव्यवस्थेची भेटीत चर्चा झाल्याची चर्चा आहे.

विशेष म्हणजे सध्या राज्यात गाजत असलेल्या मनसुख, डेलकर आणि वाझे प्रकरणावर दोघांची चर्चा झाल्याचीही सूत्रांनी माहिती दिली. शरद पवारांच्या भेटीसाठी विश्वास नांगरे पाटील रात्री उशिरा सिल्व्हर ओकवर पोहचले होते. ते जवळपास अर्धा तास सिल्व्हर ओकवर होते. त्यामुळे दोघांमध्ये जवळपास अर्धा तास चर्चा झालीय. मुकेश अंबानीच्या घराबाहेर जी स्फोटकांनी भरलेली गाडी पार्क करण्यात आली होती, त्याच मुद्द्यावर ही भेट झाल्याची माहिती मिळतेय.

महत्त्वाचे म्हणजे मनसुख हिरेन आत्महत्या प्रकरण आणि त्या प्रकरणाशी मुंबई पोलीस दलातील सचिन वाझे यांचा असलेला संबंध यावर चर्चा झाल्याची खात्रीलायक माहिती सूत्रांकडून मिळाली आहे.

तसेच शरद पवारांनी मोहन डेलकर यांच्या आत्महत्या प्रकरणाचीही माहिती घेतली असावी, अशीही चर्चा सुरू आहे…⭕

Previous articleपंजाबमधील हार्वेस्टरचालकांसाठी ‘सुगी’ महाराष्ट्रातील गहू काढणीमुळे  🛑
Next articleटेमघर गळती रोखण्यासाठी २५ कोटी; दीर्घ कामाचे नियोजन 🛑
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here