राज्यातील सहाय्यक पुलिस निरीक्षकांना मिळणार लवकरच खुश खबर – ६०० सहाय्यक पोलिस निरीक्षक होणार निरीक्षक

0
84

राजेंद्र पाटील राऊत

IMG-20210209-WA0096.jpg

राज्यातील सहाय्यक पुलिस निरीक्षकांना मिळणार लवकरच खुश खबर – ६०० सहाय्यक पोलिस निरीक्षक होणार निरीक्षक

विशेष प्रतिनिधी – राजेश एन भांगे युवा मराठा न्युज नेटवर्क

नागपूर, दि.९. सद्यःस्थितीत राज्याच्या पोलिस दलात आनंदाचे वातावरण आहे.
त्याला कारणही तसेच आहे.
राज्य पोलिस दलातील जवळपास सहाशेवर सहायक पोलिस निरीक्षकांना लवकरच गुड न्यूज मिळणार आहे.
येत्या आठवड्याभरात त्यांना पोलिस निरीक्षक पदावर पदोन्नती देण्यात येणार आहे.
गेल्या वर्षभरापासून हे अधिकारी पदोन्नतीच्या प्रतीक्षेत होते.
सूत्रांनी दिलेल्या माहितीनुसार, राज्य पोलिस दलातील बदल्या आणि पदोन्नत्यांमध्ये अनियमितता होती.
त्यामुळे राज्य पोलिस दलातील पोलिस निरीक्षक ते उपनिरीक्षक दर्जाच्या अधिकाऱ्यांमध्ये नाराजीचा सूर होता.
गेल्या वर्षभरापासून सहायक पोलिस निरीक्षक पदोन्नतीच्या कक्षेत होते.
मात्र, गृहमंत्रालय आणि पोलिस महासंचालक कार्यालयात योग्य समन्वय नव्हता.
त्यामुळे पदोन्नतीचा प्रश्‍न रखडला होता.
पोलिस उपनिरीक्षक ते निरीक्षक दर्जाचे अधिकारी मन मारून काम करीत होते.
कालबद्ध पदोन्नतीची वाट पाहत अनेक अधिकारी दिवस काढत होते.
याचा परिणाम तपास, बंदोबस्त आणि पोलिस ठाण्यातील दैनंदिन कामकाजावरही पडत होता.
शेवटी डी.जी. कार्यालयाने पोलिस अधिकाऱ्यांची मनःस्थिती लक्षात घेत पदोन्नतीचा मार्ग मोकळा केला.
गेल्या चार फेब्रुवारीपर्यंत सहायक पोलिस निरीक्षकांना संवर्ग मागण्यात आला होता.
ही प्रक्रिया पार पडल्यानंतर आस्थापना विभागाने नुकतीच पदोन्नतीची यादी तयार केली असून त्यामध्ये ६०० पेक्षा जास्त ए.पी.आय. दर्जाच्या अधिकाऱ्यांचा समावेश केला आहे.
आठवड्या भरात पोलिस निरीक्षक म्हणून पदोन्‍नती देण्यात येणार आहे.
या यादीची प्रतीक्षा ए.पी.आय. दर्जाचे अधिकारी करीत असून अनेकांनी क्रिम पोस्टींगसाठी सेटिंग लावणे सुरू केले आहे.
अनेकांनी ठाणेदारी मिळविण्यासाठी धडपड सुरू केली आहे.
तसेच काहींनी फक्त मुंबई किंवा पुणे या शहरांसाठी तयारी केली असल्याची माहिती मिळाली आहे.

Previous articleमुखेड शहरातील पाणीपुरवठा सुरळीत करा – शंकरअण्णा वडेवार..
Next articleनायगाव तालुका राष्ट्रवादी काँग्रेस पार्टीच्या वतीने नायगाव नगरपंचायत निवडणुकीच्या अनुषंगाने आढावा बैठक संपन्न,…
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here