कोल्हापूर शहरात आढळले तिन रानटी गवे

0
62

राजेंद्र पाटील राऊत

IMG-20201226-WA0019.jpg

कोल्हापूर शहरात आढळले तिन रानटी गवे

कोल्हापूर शहरात लक्षतीर्थ वसाहत आणि सुतारमळा परिसरात काल सांयकाळी आयडियल कॉलनीजवळ गव्यांचा मोकाट वावर दिसत असल्याने शहरामध्ये घबराटीचे वातावरण निर्माण झाले आहे. वन विभागासह अग्निशमन दलाने परिसरात शोध मोहीम सुरू केली. गवे उत्तरेश्वर पेठमार्गे शहरात येणार नाही, या दृष्टीने वन विभागाचे प्रयत्न सुरू आहेत. उत्तरेश्वर पेठेतील गवत मंडई ते शिंगणापूरकडे जाणार्‍या रस्त्यावर गव्यांचा कळप आज सायंकाळी काहींना दिसला. परिसरातील नागरिक बाळकृष्ण मोरे यांनी ही माहिती वन विभागाला दिली. यानंतर वन विभागाचे कर्मचारी घटनास्थळी दाखल झाले.
शहरात घुसलेले ३ गवे मध्यम वाढ झालेले आहेत. पूर्ण वाढीचा नर आणि दोन माद्या असा गव्यांचा कळप असल्याचे वन विभागाने सांगितले. हा कळप पन्हाळ्यावरून आल्याची शक्यता व्यक्त केली आहे. कळपातील दोन गवे सुतार मळ्याकडे जाणार्‍या रस्त्यावरून पंचगंगा नदीच्या दिशेने तर एक गवा दुधाळीच्या दिशेने गेला.
कळपातून वेगळा झालेला गवा भेदरून शहरात शिरणार नाही, यासाठी वन विभागाने तीन पथके केली. हा गवा शहरात येणार नाही यादृष्टीने गस्त सुरू करण्यात आली. उर्वरित दोन गव्यांचाही एका पथकाकडून शोध सुरू करण्यात आला आहे. पंचगंगा घाट परिसरातही एक पथक तैनात ठेवले आहे. दरम्यान, गवे शहरात आल्याची माहिती मिळताच घटनास्थळी बघ्यांची मोठी गर्दी झाली. त्यामुळे शिंगणापूरकडे जाणारा रस्ता पोलिसांनी बंद केला आहे.
दरम्यान, शहरातील लक्षतीर्थ वसाहत, सुतार मळा परिसरातील आयडियल कॉलनी येथे गव्यांचा मुक्त वावर सुरू असलेला व्हिडीओ व्हायरल झाला. या व्हिडीओमध्ये ३ गवे स्पष्टपणे दिसत होते. हा कळप दोन दिवसांपासून या परिसरात फिरत असल्याचे काहींनी सांगितले तर काहींच्या म्हणण्यानुसार आज सायंकाळनंतर गव्यांचे दर्शन झाले आहे.
शहरात यापूर्वीही अनेकदा गवे शिरल्याच्या घटना घडल्या आहेत. रंकाळा, सुतारमळा, जयंती नाला या परिसरात गेल्या पाच वर्षांत तीन वेळा गव्यांचे दर्शन घडले आहे. सर्व पार्श्वभूमीवर वन विभागाने सुतारमळा परिसरातील या गव्यांना पुन्हा जंगलात परत पाठवण्यासाठी प्रयत्न सुरू केले आहेत.

युवा मराठा न्यूज नेटवर्क .

Previous articleभारतीय जनता पार्टी नाशिक भटके विमुक्त आघाडीची कार्यकारणी जाहीर.
Next article🛑 तुळशी बुद्रुक विकास मंच्याच्या माध्यमातून बोरीवली तुळशी नातूनगर मार्गे खेड एस टी सुरू करण्यात आली 🛑
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here