कर्तुत्ववान आमदार राजुबाबा आवळे एक सच्चा समाजसेवक

0
59

 

माणुसकी फौंडेशन
वडगांव :  रात्री नऊ-साडेनऊ ची वेळ होती.हातकणंगले रोडवरील नरंदे घाटामधून हातकणंगले तालुक्याचे आमदार राजूबाबा आवळे कामानिमित्त निघाले होते. त्याच वेळी नरंदे घाटामध्ये रात्री नऊ च्या सुमारास ७० वर्षाची एक माऊली बसलेली दिसली. रात्रीची वेळ आहे इतक्या भयानक अंधारात थांबणे म्हणजे त्या माऊलीला धोक्याचे आहे. हे लक्षात घेऊन आमदार साहेब त्या माऊली जवळ गेले. त्यांची विचारपूस केली. मानसिक संतुलन बिघडल्याने रस्ता दिसेल त्या ठिकाणी चालत ती येथे पर्यंत पोहचली होती. आमदारांनी त्या माऊलीला स्वतःच्या गाडीमध्ये बसवलं. व समाजाच्या हितासाठी सदैव तत्पर असणाऱ्या माणुसकी फौंडेशनचे कोरोचीचे बंडू पाटील यांना संपर्क साधला. व घडलेली सर्व हकीगत सांगितली. तात्काळ बंडू पाटील यांनी आळते गावामध्ये माणुसकी फौंडेशनच्या सदस्यांना कळवलं व सदस्य आळते गावाच्या मार्गावर पोहचले. तो पर्यंत आमदार साहेबांची गाडी माऊलीला घेऊन आली होती. सदस्यांनी त्या माऊलीला घेऊन तिच्या कुटुंबाच्या चौकशीसाठी हातकलंगले पोलीस स्टेशन येथे पोहचले. पण तिथे कोणतीही मदत मिळाली नाही. पुढे इचलकरंजी शिवाजीनगर ला पोहचून पोलिसांना सर्व हकिगत सांगितली त्या माऊलीच्या कुटुंबाची, गावाची पूर्ण माहीती घेऊन तिच्या कुटूंबाच्या स्वाधीन केले.
स्वतःच वयक्तिक काम सोडून, काळोख्याच्या अंधारात असलेल्या माऊलीला आपल्या धावत्या गाडीचा ब्रेक लावून तिची चौकशी करून, तिला स्वतःच्या गाडीतून नेहून, योग्य लोकांच्याकडे जबाबदारी सोपवून माऊलीला आधार देणाऱ्या आमदार राजुबाबा आवळे यांच्या निस्वार्थी समाजसेवेला सलाम.
“भारत माझा देशा आहे सारे भारतीय माझे बांधव आहेत.”
या प्रतिज्ञेची प्रचिती आमदार साहेबांच्या मध्ये पाहायला मिळाली.
या सेवेस माणुसकी फौंडेशन कोरोची शाखेचे बंडू पाटील, दीपक तेली व आळते शाखेचे सम्मेद मजलेकर, आशपाक मुजावर, तसेच हातकलंगले व इचलकरंजी शाखेचे बाबासाहेब नंदिवले, रवि महाडिक, इम्रान शेख, स्टेफन आवळे यांचेही सहकार्य लाभले.

युवा मराठा न्यूज नेटवर्क .

Previous articleमहाराष्ट्र राज्य अपग्रेड मुख्याध्यापक महासंघाची नाशिक जिल्हा कार्यकारिणी बैठक संपन्न*
Next articleकौळाणे-व-हाणे पत्रकार भवन जागाप्रश्नी चौकशी अहवालाच्या गुलदस्त्यात दडलंय काय…?*
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here