*कोल्हापूर जिल्हा कॉंग्रेसच्या वतीने गुरुवार, 5 नोव्हेंबर रोजी भव्य ट्रॅक्‍टर रॅली*

0
42

*कोल्हापूर जिल्हा कॉंग्रेसच्या वतीने गुरुवार, 5 नोव्हेंबर रोजी भव्य ट्रॅक्‍टर रॅली*

*युवा मराठा न्यूज*

कोल्हापूर : केंद्र सरकारने आणलेल्या काळ्या कृषी कायद्याविरोधात कोल्हापूर जिल्हा कॉंग्रेसच्या वतीने गुरुवार, दि. 5 नोव्हेंबर रोजी भव्य ट्रॅक्‍टर रॅली काढण्यात येणार आहे. या रॅलीचे उद्‌घाटन महाराष्ट्र राज्याचे प्रभारी एच. के. पाटील यांच्या प्रमुख उपस्थितीत होणार आहे. या रॅलीची सुरुवात निर्माण चौकातून होणार आहे, अशी माहिती कोल्हापूर जिल्हा कॉंग्रेसचे अध्यक्ष आणि पालकमंत्री सतेज पाटील यांनी पत्रकार परिषदेत दिली.
पालकमंत्री पाटील म्हणाले, कृषी सुधारणा विधेयकांना सर्वपक्षीय खासदारांचा विरोध असतानाही केंद्रातील मोदी सरकारने चर्चा न करता विरोधी पक्षांच्या सदस्यांना निलंबीत करून ही विधेयकं मंजूर करुन घेतली.
लोकशाही, संविधान आणि संसदेचे नियम पायदळी तुडवून केंद्र सरकारने तीन शेतकरी विरोधी काळे कायदे आणले आहेत. या काळ्या कायद्याविरोधात कॉंग्रेस पक्ष देशभरात रस्त्यावर उतरून संघर्ष करत आहे. या विरोधात कॉंग्रेस अध्यक्षा सोनिया गांधी यांच्या मार्गदर्शनाखाली खासदार राहुल गांधी यांच्या नेतृत्वाखाली कॉंग्रेस पक्षाने देशव्यापी लढाई सुरू केली आहे.
रॅली गुरुवार दि. 05 नोव्हेंबर, रोजी सकाळी ठीक 9.30 वाजता निर्माण चौकातून सुरुवात होणार असून याची सांगता दसरा चौक येथे होणार आहे. या रॅलीमध्ये जिल्ह्यातील कॉंग्रेसचे आमदार, माजी आमदार, तालुकाध्यक्ष व विविध सेलचे पदाधिकारी, कार्यकर्ते उपस्थित राहणार आहेत. तरी या रॅलीमध्ये जिल्ह्यातील जास्तीत-जास्त शेतकरी बांधवांनी ट्रॅक्‍टरसह मोठ्या संख्येने सहभागी व्हावे, असे आवाहनही मंत्री पाटील यांनी केले आहे.” 

Previous article🛑 पिंपरीत थंडीची चाहूल 🛑
Next article*छत्रपती प्रमिलाराजे शासकीय रूग्णालय आजपासुन सुरू*
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here