🛑 पत्नीच्या त्रासाला कंटाळून पतीची आत्महत्या -: तिघांवर गुन्हा दाखल 🛑

0
39

🛑 पत्नीच्या त्रासाला कंटाळून पतीची आत्महत्या -: तिघांवर गुन्हा दाखल 🛑
✍️ पुणे : ( विलास पवार पुणे ब्युरो चीफ युवा मराठा न्युज )

पुणे :⭕पती-पत्नीतील वादानंतर दाखल झालेल्या गुन्ह्यातील पोटगीची रक्कम सामोपचाराने ठरविल्यावर पत्नीसह सासरच्या लोकांकडून ५० लाख रुपयांसाठी होणाऱ्या त्रासाला कंटाळून पतीने आत्महत्या केली.

या प्रकरणी पत्नीसह सासरच्या तिघांवर गुन्हा दाखल करण्यात आला आहे. हिंजवडीनजीक मारुंजीमधील एका बड्या गृहरचना संस्थेत ही घटना घडली आहे.

अभिजित गणेश खर्डे (वय ३८, रा. कोलते पाटील मारुंजी, ता. मुळशी) असे आत्महत्या केलेल्या पतीचे नाव आहे.

त्यानुसार अभिजितची पत्नी नेहा खर्डे (वय ३५), तिचा मामा विश्वास जोशी, तिचे वडील नितीन बकरे यांच्या विरोधात गुन्हा दाखल करण्यात आला आहे. याबाबत अभिजितचे वडील गणेश नथ्थुजी खर्डे (वय ६५) यांनी रविवारी (१ नोव्हेंबर) हिंजवडी पोलिस ठाण्यात फिर्याद दिली आहे.

पोलिसांनी दिलेल्या माहितीनुसार, नेहा हिने तिचा पती अभिजित याच्यावर कौटुंबिक त्रासाचा (४९८) गुन्हा दाखल केला होता. त्या गुन्ह्यात त्यांच्यात समझोता होऊन ५० लाख रुपये अभिजितने नेहाला देण्याचे ठरले. त्याप्रमाणे अभिजितने नेहाला २० लाख रुपये दिले. उर्वरित रक्कम मिळण्यासाठी नेहा, तिचे मामा आणि वडिलांनी अभिजितला मानसिक त्रास दिला. त्या त्रासाला कंटाळून अभिजितने ३१ ऑक्टोबरला आत्महत्या केली.

नेहा, तिचे मामा आणि वडिलांनी केलेल्या मानसिक, शारीरिक व आर्थिक छळाला कंटाळून आपण आत्महत्या करीत असल्याचे अभिजितने मृत्यूपूर्वी लिहिलेल्या चिठ्ठीत म्हटले आहे. या प्रकरणी हिंजवडी पोलिस तपास करीत आहेत….⭕

Previous article🛑 बेस्टच्या सेवेत असलेल्या एस.टी कर्मचाऱ्यांना ,रोख भोजन भत्ता मिळणार :- अनिल परब 🛑
Next article🛑 मातोश्रीवर दिवाळी साजरी होऊ देणार नाही :- नवनीत राजांचा आक्रमक इशारा 🛑
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here