भऊर येथे बिबट्याने केल्या पाच शेळ्या फस्त ; पिंजरा लावण्याची मागणी

0
47

भऊर येथे बिबट्याने केल्या पाच शेळ्या फस्त ; पिंजरा लावण्याची मागणी
(भिला आहेर तालुकाप्रतिनिधी युवा मराठा न्युज नेटवर्क)
देवळा:- भऊर ता . देवळा येथे बुधवारी( दि ७ ) रोजी रात्रीच्या सुमारास बिबट्याने ५ शेळ्या फस्त केल्याने पशुपालकांमध्ये घबराटीचे वातावरण निर्माण झाले आहे .वन विभागाने याठिकाणी पिंजरा लावून बिबट्याचा बंदोबस्त करावा, अशी मागणी करण्यात आली आहे . याबाबत अधिक माहिती अशी की , भऊर ता देवळा येथील रामनगर शिवारातील प्रगतिशील शेतकरी प्रकाश शिवाजी पवार यांनी आपल्या घराजवलिळ शेडमध्ये शेळ्या बांधल्या होत्या . बुधवारी दि ७ रोजी पवार हे पहाटे लघुशंकेसाठी बाहेर आले तेव्हा त्यांना यातील एक बोकड शेडबाहेर दिसून आल्यानंतर शेड मधील पाच शेळ्या बिबट्याने फस्त केल्याचे दिसून आले . या घटनेची माहिती आजूबाजूला राहणाऱ्या नागरिकांना कळताच त्यांनी घटनास्थळी धाव घेऊन पवार यांना धीर दिला . यावेळी वनरक्षक शांताराम आहेर, वनपाल राकेश आहेर, गवळी , तलाठी नितीन धोंडगे ,कोतवाल जीभाऊ गरुड, पशुवैद्यकीय अधिकारी पाटील यांनी भेट देऊन घटनास्थळी पंचनामा केला . यावेळी सरपंच दादा मोरे, पोलीस पाटील भरत पवार, देवळा कृषी उत्पन्न बाजार समितीचे संचालक जगदीश पवार, पंडित पवार, शैलेश पवार, विजय पवार, दीपक पवार, शशी पवार, नितीन पवार, राजेंद्र पवार , जितेंद्र पवार आदी उपस्थित होते . पशुपालकांमध्ये यामुळे भीतीचे वातावरण निर्माण झाले असून ,बिबट्या चा बंदोबस्त करण्यासाठी याठिकाणी पिंजरा बसविण्यात यावा ,अशी मागणी केली . प्रकाश पवार यांच्या पाच शेळ्या बिबट्याने फस्त केल्याने त्यांचे आर्थिक नुकसान झाले असून , भरपाई मिळावी अशी मागणी पवार यांनी केली आहे .

Previous article*मिणचे गावात सदावर्तेचा जाहीर निषेध*
Next article*कौळाणे-व-हाणे ग्रामपंचायतीकडून फसवणूक प्रकरणी चौकशी सुरु!*
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here