*कौळाणेत विकासाच्या नावाखाली* *”अपना काम बनता भाड मे जाये जनता”!*

0
52

*कौळाणेत विकासाच्या नावाखाली* *”अपना काम बनता भाड मे जाये जनता”!*
*मालेगांव,(कार्यालयीन प्रतिनिधी युवा मराठा न्युज नेटवर्क)-* कौळाणे (निं.) हि बडोदा नरेश श्रीमंत सयाजीराव महाराज गायकवाड यांची जन्मभूमी.या गावाचे नाव सयाजीराव महाराजांच्या अलौकिक कार्यकर्तृत्वामुळे संपूर्ण जगभर पोहचलेले आहे.मात्र अशा या गावात कपाळकरंटया ग्रामपंचायतीचे तत्कालीन ग्रामसेवक के.सी.अहिरे ,संजीव घोंगडे तत्कालीन सरपंच सौ.लताबाई बच्छाव यांच्या कार्यकाळात विकासाच्या नावाखाली तीनतेरा नऊबारा वाजलेले असून, हे गाव आज विविध समस्यांनी ग्रासलेले आहे.एका बाजूला के.सी.अहिरे या ग्रामसेवकाच्या काळात झालेली गिरणा नदीपासून तर गावापर्यतची लाखो रुपये खर्च केलेली पाणीपुरवठा योजना साफ अयशस्वी ठरल्याने दुर्दैवाने गावावर विकतचे पाणी पिण्याची वेळ येऊन ठेपली आहे.तस बघितलं तर या गावाच्या एक ना अनेक नाना भानगडी विकासाच्या नावाखाली घडलेल्या आहेत.मोठाच गाजावाजा करुन महाराजांच्या नावाने नांदगाव फाटा व सोनज फाटा येथे प्रवेशव्दार उभारण्यात आले,मात्र प्रवेशव्दारावरुनच नेमके महाराजांची प्रतिमा फोटो असलेले चित्र गायब होऊन त्याशिवाय गावाची माहितीही प्रवेशव्दारावरुन लुप्त पावल्याने त्यामुळे ग्रामपंचायतीच्या तत्कालीन सरपंच सौ.लताबाई बच्छाव व ग्रामसेवक के.सी.अहिरे यांच्या कार्यकाळातील हा देखावा फक्त क्षणभंगूरच ठरला.त्या पेक्षाही या गावाची सगळ्यात वाईट व भयंकर अवस्था अशी आहे की,ज्यांनी घरकुलेच बांधले नाहीत,मात्र घरकुलांचा अनुदानाचा लाभ ग्रामपंचायतीच्या आशिर्वादाने मात्र बरोबर लुटला आहे.अशीच काहीशी परिस्थिती शौचालयाच्या बाबतीतही आहे अस्तित्वात नसलेल्या शौचालयाचे देखील अनुदान ग्रामपंचायतीच्या कृपाशिर्वादाने लाटण्यात आले.अशा पध्दतीचा भोंगळ कारभार या ग्रामपंचायतीने विकासाच्या नावाखाली करुन ठेवला.एकंदरीत काय तर…अपना काम बनता ,भाड मे जाये जनता अशीच कार्यपद्धती ग्रामसेवक के. सी.अहिरे,संजीव घोंगडे तत्कालीन सरपंच सौ.लताबाई बच्छाव यांच्या कार्यकाळात बिनधास्तपणे राबविण्यात येऊन विकासाच्या नावाखाली अक्षरशः धुमाकूळ घातला गेला. (क्रमशः -उद्या वाचा-भुमिगत गटारी बनविण्याचा अभ्यास करायला कौळाणेला या)

Previous articleहो भारतिय क्रिकेट चा हीरो धोनी ला धाव घेत असताना थकलेला पाहुन प्रत्येक क्रिकेट प्रेमीला खुप दुख झाले
Next article🛑 ह्युंदाईच्या क्रेटाची रेकॉर्डब्रेक विक्री 🛑
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here