*मिरज शहरात देखील जणतेचा कर्फ्युला समिश्र प्रतिसाद*

0
31

*मिरज शहरात देखील जणतेचा कर्फ्युला समिश्र प्रतिसाद*

*कोल्हापूर (मोहन शिंदे ब्युरोचिफ युवा मराठा न्युज )*

सांगली, मिरज आणि कुपवाड महानगरपालिका सांगली जिल्ह्यातील मिरज शहरात जिल्हा प्रशासनाकडून जाहीर केलेल्या जनता कर्फ्यूस मिरजकरांचा संमिश्र प्रतिसाद मिळाला. आदीपासूनच विरोध दर्शविलेल्या व्यापारी संघटनांनी आज आपली दुकाने सुरू ठेवून जनता कर्फ्यू आणि लॉकडाउनला कायम विरोध असल्याचे सिद्ध केले.
सकाळपासूनच शहरातील सराफ कट्टा, मिरज हायस्कूल रोड, स्टेशन चौक, दर्गा परिसर, तलाव रोड, छत्रपती शिवाजी चौक येथील दुकाने दिवसभर सुरू होती. तर भाजी बाजारात तुरळक गर्दी पाहायला मिळाली. तसेच हातगाडी चालकांनी उपनगरात फिरत भाजी विक्री केली. मिरजेतील कोरोना बाधित रुग्णांची संख्या दिवसेंदिवस वाढत असून आज अखेरपर्यंत तीन हजारहून अधिक रुग्णांची नोंद आहे तर 135 रुग्ण मृत्युमुखी पडले आहेत.
मात्र मिरजकरांना जनता कर्फ्यू नको आहे.
जिल्ह्याचे शासकीय कोविड रुग्ण असलेल्या मिरजेत सध्य परिस्थिती पाहता मिरज शहरांमध्ये 3237 रुग्णांची नोंद आहे तर 135 कोरोना बाधितांचा मृत्यू झाला आहे. तर मिरज तालुक्‍यातील ग्रामीण भागात 2050 रुग्ण असून 94 बाधितांचा मृत्यू झाला आहे. शहरासह ग्रामीण भागात कोरोना बाधितांची वाढ होत असताना मात्र जनता कर्फ्यूस विरोध दर्शवला जात आहे. तसेच मिरज शहरातील व्यापाऱ्यांकडून एकमत होत नसल्यामुळे काही दुकानदारांनी दुकाने उघडी ठेवली तर विरोधी गटाच्या व्यापाऱ्यांनी थोडीफार दुकाने बंद ठेवून समर्थन दर्शविले.
ग्रामीण भागातील बहुतांश गावांना जनता कर्फ्यूचे पालन केले. तर अनेक गावांनी विरोध दर्शविला. मात्र आज दिवसभर ग्रामीण भागातील शेतमाल शहरात आला नाही. तर शेतकरी नोकरदार वर्गाने शहराकडे पाठ फिरविल्यामुळे मार्केट परिसरात आणि शासकीय कार्यालयामध्ये सन्नाटा पसरला होता.

Previous article*वडगांव शहरातील कोरोना पाँझिटीव्ह संख्या दोनशे बावन्न*
Next article*मंत्र्याना रस्त्यावर फिरू देणार नाही मराठा महासंघाचा इशारा
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here