🛑 *१०० वर्षांमध्ये केवळ तिसऱ्यांदा कॅमेरात कैद झाला हा मासा…..! त्याच्या जीभेचं वजनच आहे एखाद्या हत्तीएवढं* 🛑

0
22

🛑 *१०० वर्षांमध्ये केवळ तिसऱ्यांदा कॅमेरात कैद झाला हा मासा…..! त्याच्या जीभेचं वजनच आहे एखाद्या हत्तीएवढं* 🛑
✍️ विदेश वृत्त 🙁 विजय पवार महाराष्ट्र प्रतिनिधी युवा मराठा न्युज )

जगातील सर्वात मोठा प्राणी म्हणजेच ब्लू व्हेल माश्याबद्दल मानवाला कायमच कुतूहल राहिलं आहे. सामान्यपणे हा मासा खूप क्वचित प्रसंगी पाहायला मिळतो. जगभरातील वेगवेगळ्या देशांमध्ये आजही अनेक संशोधक ब्लू व्हेलसंदर्भातील संशोधन करत असून या माश्याबद्दलची नवीन माहिती वेळोवेळी समोर येत असते.

या माशाचा अभ्यास करण्यासाठी अनेकदा वैज्ञानिक खोल समुद्रामध्येही जातात. मात्र सर्वांनाच हा मासा पाहायला मिळत नाही. मात्र ऑस्ट्रेलियातील सिडनीजवळ एका फोटोग्राफरला समुद्रात न जाताच हा जगातील सर्वात मोठा मासा पाहायला मिळाला आणि या फोटोग्राफरने काढलेला फोटो आता व्हायरल झाला आहे.

सिडनीमध्ये काम करणारा फोटोग्राफर सियान हा सिडनीच्या समुद्रकिनाऱ्यांजवळ एरियल फोटोग्राफी करत हंपबॅक व्हेलचे फोटो काढत होता. त्याचवेळी त्याच्या कॅमेरामध्ये ब्लू व्हेलचा फोटो क्लिक झाला.

या ब्लू व्हेलची लांबी ८२ फूट आणि वजन जवळजवळ १ लाख किलो असल्याचे सांगण्यात येत आहे. अशाप्रकारे ब्लू व्हेलचा फोटो काढण्याची ही काही पहिली वेळ नाही. मात्र मागील १०० वर्षांमध्ये अशाप्रकारे सिडनीच्या समुद्रकिनाऱ्यावर एकाच फ्रेममध्ये संपूर्ण ब्लू व्हेल दिसणारा फोटो काढण्याची ही तिसरीच वेळ असल्याचे सांगितले जात आहे.

हा फोटो सध्या ऑस्ट्रेलियाबरोबरच जगभरातील प्राणी प्रेमींच्या चर्चेचा विषय ठरला आहे.
सियानने आपल्या इन्स्टाग्राम अकाउंटवरुन हा फोटो शेअर केला आहे. “मी नक्की कुठून ही गोष्ट सांगायला सुरु करु मला कळत नाहीय.

माझ्या डोक्यात सध्या लाखो विचार आहेत. जर या व्हेलबद्दल बोलायचे झाल्यास तिची लांबी ३० मीटरपर्यंत आहे. या व्हेलच्या जीभेचे वजन एखाद्या हत्ती एवढे असू शकते. या व्हेलचं हृदयही एखाद्या छोट्या गाडीच्या आकाराचे असू शकते.

मला अपेक्षा आहे की हा फोटो पाहून तुम्हालाही माझ्याप्रमाणे आनंद झाला असेल. मला खरोखरच जॅकपॉट लागला आहे,” अशी कॅप्शन सियानने या फोटोला दिली आहे….⭕

Previous article🛑 *कंगनाच्या पाली हिल कार्यालयावर होणार कारवाई…….! पालिकेच्या वरिष्ठ अधिकाऱ्यांचे स्पष्टीकरण* 🛑
Next article🛑 *रिया कशी देते वकीलांची महागडी फी? वकील मानेशिंदेंनी स्वत:च केला खुलासा* 🛑
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here