🛑 डाव फिरला! दिपेश सावंतने दिली रिया चक्रवर्तीविरुद्धात साक्ष 🛑

0
21

🛑 डाव फिरला! दिपेश सावंतने दिली रिया चक्रवर्तीविरुद्धात साक्ष 🛑

✍️ मुंबई ( साईप्रजित मोरे ब्युरो चीफ युवा मराठा न्युज ).

मुंबई, 6 सप्टेंबर : ⭕ सुशांतसिंह राजपूत प्रकरणात नारकोटिक्स कंट्रोल ब्युरो (एनसीबी) आज मोठी कारवाई करू शकते. एनसीबीने रिया चक्रवर्तीचा भाऊ शौविक आणि सुशांतचा घर व्यवस्थापक सॅम्युअल मिरांडा यांना न्यायालयात हजर केले असता तिथून त्याला चार दिवसांची कोठडी सुनावण्यात आली. शनिवारी संध्याकाळी एनसीबीने सुशांतचा कर्मचारी दिपेश सावंतलाही अटक केली. रात्रभर दिपेशची चौकशी करण्यात आली.

सूत्रांनी दिलेल्या माहितीनुसार असं म्हटलं जातं की, दिपेशने रिया चक्रवर्तीविरोधात साक्ष दिली आहे. चौकशी दरम्यान रियाच्या सांगण्यावरूनच घरात ड्रग्जचा वापर होत असल्याचं दिपेश म्हणाला, असं म्हटलं जात आहे. रियाच्या अटकेसाठी दिपेशचं हे विधान अत्यंत महत्त्वाचं मानलं जातं.

आज एनसीबीने रियाला पुन्हा एकदा चौकशीसाठी बोलावलं आहे. आजची चौकशीही आधीच्या चौकशीपेक्षा जास्त मुद्देसूद असेल असं म्हटलं जात आहे. एनसीबीचे अधिकारी मुथा अशोक जैन म्हणाले की, रिया आणि शौविकला दिपेशच्या समोर बसवण्यात येईल. यानंतर तिघांनाही प्रश्न- उत्तरं विचारण्यात येतील. शी आमनेसामने असतील. काही दिवसांपूर्वी रियाचे असे अनेक चॅट समोर आले आहेत ज्यात ती ड्रग्जसंदर्भात बोलताना स्पष्ट दिसते.

शौविकच्या अटकेनंतर आता एनसीबी रिया चक्रवर्तीलाही अटक करू शकते अशी अटकळ वर्तवली जात आहे. अटकेनंतर तिला न्यायालयात हजर केलं असता रिमांडवर घेता येईल. आज दिपेश सावंतला सकाळी ११ वाजता न्यायालयात हजर करण्यात आलं होतं. यानंतर त्याना ९ सप्टेंबरपर्यंत रिमांडवर घेण्यात आल्याचं स्पष्ट झालं.

शनिवारी एनसीबीच्या दक्षिण-पश्चिम विभागाचे डेप्युटी डीजी मुथा अशोक जैन यांनी पत्रकार परिषदेत सांगितलं की आधीपेक्षा यावेळी त्यांच्याकडे बरीच माहिती आहे. या प्रकरणात मीडियाने जो पाठिंबा दिला, यामुळे अधिक माहिती मिळाली. आता दोन आरोपींची रिमांड मिळाली आहे. पुढील तपासात आणखी खुलासे होतील. रियाचीही लवकरच चौकशी केली जाईल. रियाला आरोपींच्या समोर बसवून प्रश्न विचारले जातील. अजूनहीबरीच माहिती समोर येणं बाकी आहे. रिया चक्रवर्तीची ड्रग्ज संदर्भात चौकशी केली जाईल.⭕

Previous article🛑 पुणे,पिंपरी_चिचवड जिल्ह्यातील….! कोरोना-19 उपाययोजनेची आढावा बैठक 🛑
Next article🛑 जाणून घ्या कशी आपल्याच जाळ्यात अडकत गेली रिया चक्रवर्ती 🛑
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here