🛑 PFचे पैसे काढताना ‘या’ अटी-नियमांकडे लक्ष द्या 🛑

0
26

🛑 PFचे पैसे काढताना ‘या’ अटी-नियमांकडे लक्ष द्या 🛑

✍️ मुंबई ( साईप्रजित मोरे ब्युरो चीफ युवा मराठा न्युज ).

मुंबई, 3 सप्टेंबर : ⭕ प्रोविडेंट फंड अर्थात पीएफ ऑनलाईन पद्धतीने काढण्याचा सोपा मार्ग आहे. कर्मचारी भविष्य निर्वाह निधीकडून एक खास सुविधा देण्यात आली आहे. त्याद्वारे पीएफचे पैसे काढणं अधिक सोपं होणार आहे. आता ऑनलाईन आधार-आधारित सुविधेचा वापर करुन EPF खात्यातून पैसे काढता येऊ शकतात.

पीएफचे पैसे काढण्यासाठी काही नियम-अटी लागू आहेत. पैसे काढण्यासाठी ऑनलाईन अर्ज करताना या नियम-अटींचं पालन करणं गरजेचं आहे. या नियमांकडे लक्ष न दिल्यास क्लेम फसण्याची शक्यता असते. पीएफ क्लेम करण्यासाठी अधिकृत साईटवर क्लिक करा.

➡️ काय आहेत नियम-अटी :-

– मेंबरचा यूनिवर्सल अकाऊंट नंबर (UAN)ऍक्टिव्ह असणं गरजेचं आहे.
– EPF अकाऊंटमध्ये बँक खातं-आधारकार्डशी लिंक असावं.
– कंपनीकडून e-KYC मंजूरी आणि व्हेरिफिकेशन होणं आवश्यक आहे.
– केव्हायसी किंवा बँक डिटेल्स पूर्ण नसल्यास, पैसे काढण्यासाठी क्लेम करु नका.
– अर्ज करण्यापूर्वी UAN लॉग-इन करुन मॅनेज ऑप्शनवर क्लिक करा. तेथे केव्हायसीवर क्लिक करुन आधार क्रमांक आणि बँकेचे तपशील द्या.
– नोकरी सोडल्यानंतर ऑनलाईन क्लेमची सुविधा कमीत-कमी दोन महिन्यांनंतर वापरली जाऊ शकते.
– नोकरी सोडल्यानंतर लगेचच क्लेम केल्यास पैसे अडकण्याची शक्यता असते. तसंच कंपनीची मंजूरीही आवश्यक असते.

➡️ कसा कराल ऑनलाईन क्लेम :-

– ऑनलाईन ‘सर्विसेज टॅब’वर क्लिक करुन ‘क्लेम फॉर्म’वर क्लिक करा.
– मेंबरची माहिती पेजवर अपडेट केली जाते.
– रजिस्टर्ड बँक खात्याचे शेवटचे चार अंक भरावे लागतील.
– बँक अकाऊंट व्हेरिफिकेशनसाठी पुढे जाण्याआधी, ‘सर्टिफिकेट ऑफ अंडरटेकिंग’ अप्रुव्ह करावं लागेल.
– व्हेरिफाय झाल्यानंतर मेंबरला ‘प्रोसिड फॉर क्लेम’वर क्लिक करावं लागेल.
– त्यानंतर withdrawal वर क्लिक करुन रक्कम अपडेट करावी लागेल.
– चेकची स्कॅन कॉपी अपलोड करताना मेंबरचा पत्ता विचारला जाईल.
– त्यानंतर रजिस्टर्ड मोबाईल नंबरवर ऑथेंटिकेशनसाठी ओटीपी पाठवला जाईल, व्हेरिफिकेशन झाल्यानंतर क्लेम सब्मिट होईल.⭕

Previous article🛑 कोरोनावर उपचार घेताना…! तडफडून मृत्यु पावलेल्या…! पत्रकार पांडुरंग रायकर यांचे शेवटचे शब्द 🛑
Next article🛑 दहावी, बारावीच्या ऑक्टोबर फेरपरीक्षा लांबणीवर 🛑
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here