🛑 भररस्त्यावर वापरलेले पीपीई किट फेकले; जळगावकर घाबरले 🛑

0
29

🛑 भररस्त्यावर वापरलेले पीपीई किट फेकले; जळगावकर घाबरले 🛑

✍️( विजय वसंत पवार महाराष्ट्र प्रतिनिधी युवा मराठा न्युज )

जळगाव , 27 ऑगस्ट : ⭕ शहरातील मोहाडी रस्त्यावर असलेल्या खुबचंद साहित्या टॉवरजवळ रस्त्याच्याकडेला अज्ञात व्यक्तींनी वापरलेले पीपीई किट फेकून दिले आहेत. हा धक्कादायक प्रकार आज सकाळी उघडकीस आला आहे. अशा प्रकारामुळे करोनाचा संसर्ग वेगाने वाढण्याची शक्यता असल्याने स्थानिक घाबरून गेले असून या घटनेवर संताप व्यक्त करत आहेत.

जळगाव शहरातील अनेक नागरिक सकाळी मॉर्निंग वॉकसाठी मोहाडी रस्त्यावर जात असतात. आज सकाळी काहीजण मॉर्निंग वॉक करत असताना त्यांना, खुबचंद साहित्या टॉवरजवळ रस्त्याच्याकडेला वापरलेले पीपीई किट मोठ्या संख्येने फेकलेले दिसून आले. त्यात हॅन्डग्लोज, फेस मास्क, पीपीई किटमधील एप्रॉन असे साहित्य आहे. हा प्रकार अतिशय गंभीर असल्याने काही सुज्ञ नागरिकांनी तातडीने सोशल मीडियावर या प्रकाराची माहिती व्हायरल केली. नियमानुसार, करोनाबाधित रुग्णांवर उपचार करत असताना डॉक्टर्स आणि आरोग्य कर्मचाऱ्यांनी वापरलेले पीपीई किट हे जैविक कचऱ्यात वर्गीकृत करून त्याचे शास्त्रोक्त पद्धतीने विघटन करायला हवे. मात्र, जळगावात खासगी रुग्णालयांकडून पीपीई किटची विल्हेवाट लावण्यात हलगर्जीपणा होत असल्याचे स्पष्ट झाले आहे.

महापालिका प्रशासनाने जैविक कचऱ्याचे संकलन करण्यासाठी वेगळी यंत्रणा उभी केल्याचा दावा केला असला तरी अशा प्रकारच्या घटना वारंवार समोर येत आहेत. त्यामुळे महापालिका प्रशासनाच्या दाव्यावर प्रश्नचिन्ह निर्माण झाले आहे. दरम्यान, उघड्यावर फेकून दिलेले पीपीई किट तत्काळ उचलून त्याची शास्त्रोक्त पद्धतीने विल्हेवाट लावावी, अशी मागणी केली जात आहे.⭕

Previous article🛑 महाड दुर्घटना …! मृतांचा आकडा वाढला….! बिल्डर फरार 🛑
Next article🛑 ठाकरे सरकारचा मोठा निर्णय MPSC परीक्षाबाबात🛑
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here