🛑 पोलिस झाले शेतकरी…! अन अटक केला कुख्यात गुन्हेगार 🛑

0
45

🛑 पोलिस झाले शेतकरी…! अन अटक केला कुख्यात गुन्हेगार 🛑
✍️ बीड 🙁 विजय पवार महाराष्ट्र प्रतिनिधी युवा मराठा न्युज )

बीड⭕- चोऱ्या, दरोडे, लुटमार यातील केज तालुक्यातील कुख्यात गुन्हेगारावर पोलिस अधीक्षक हर्ष पोद्दार यांनी एमपीडीएम कायद्यानुसार कारवाई करुन त्याला हर्सूल कारागृहात स्थानबद्ध केले.

केज पोलिसांनी वेषांतर करुन शेतकऱ्यांच्या वेशात जाऊन या गुन्हेगाराला अटक केली व हर्सूलमध्ये त्याची रवानगी दिली. आठवडाभरात एमपीडीए नुसार झालेली ही दुसरी कारवाई आहे.

कायदा सुव्यवस्था अबाधित राखण्यासाठी पोलिस अधीक्षक हर्ष पोद्दार यांनी प्रतिबंधात्मक कारवायांवर भर दिल्याचे दिसत आहे. या आठवड्याच्या सुरुवातीला वाळू माफियावर एमपीडीए नुसार कारवाई केली गेली होती त्यानंतर आता केज तालुक्यातील पिंपळगाव घोळवे येथील विक्रम शिवराम शिंदे याच्या विरोधात कारवाई केली गेली.

विक्रम याच्यावर चोरी, दरोडा टाकणे, दंगा करणे, शरिर व मालाविरुद्धचे गुन्हे करणे असे एकूण 10 गुन्हे नोंद आहेत. अंबाजोगाईच्या अपर पोलिस अधीक्षक स्वाती भोर यांच्या मार्गदर्शनाखाली केज ठाण्याचे पीआय प्रदीप त्रिभूवन यांनी विक्रम याच्यावर एमपीडीए नुसार कारवाईचा प्रस्ताव पाठवला होता. एलसीबी पीआय भारत राऊत यांनी यासाठी पाठपुरावा केला. जिल्हाधिकाऱ्यांनी एमपीडीएला मान्यता दिली.

दरम्यान, केज पोलिस ठाण्याच्या कर्मचाऱ्यांनी विक्रम शिंदे याच्या अटकेसाठी प्रयत्न केले पण तो पसार होत होता. त्यामुळे रविवारी पोलिसांना मिळालेल्या माहितीवरून तो एका शेतात असल्याने पोलिसांनी शेतकऱ्यांचा वेष घेऊन तो असलेल्या ठिकाणी सापळा लावला व त्याला अटक केली.

पोलिस उपनिरिक्षक श्रीराम काळे व सहकाऱ्यांनी ही कारवाई केली. या गुन्हेगाराची हर्सूल कारागृहात रवानगी करण्यात आली आहे….🛑

Previous article🛑 १ सप्टेंबर नंतर कसा असेल लँकडाऊन…? बुधवारी ठाकरे सरकार घेणार मोठा निर्णय 🛑
Next article🛑 राज्यात परतणार्‍या बिहार्‍या‍ंची संख्या पाहून बिहार नेत्यांना ….! रोहित पवारांनी सुनावले 🛑
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here