Home Breaking News 🛑 सायरस पुनावाला….! तुम्हाला माहीत आहे का ? 🛑

🛑 सायरस पुनावाला….! तुम्हाला माहीत आहे का ? 🛑

111
0

🛑 सायरस पुनावाला….! तुम्हाला माहीत आहे का ? 🛑
✍️पुणे 🙁 विलास पवार ब्युरो चीफ युवा मराठा न्युज )

विशेष माहिती:⭕ जगातल्या अर्ध्या लोकसंख्येला टोचली जाणारी लस पुण्यात बनते.
लस बनवणारे अर्थातच पूनावाला.

हे “सायरस पूनावाला” म्हणजे एक हुशार पारशी. आज जगातल्या सर्वोत्तम चित्रांचा खासगी खजिना जोपासणारे ,उत्तमोत्तम स्पोर्ट्सकारचा आणि प्रायव्हेट जेटचे मालक सायरस पूनावाला हे मूळचे घोडेवाले. स्टड फार्म हा त्यांचा मूळ व्यवसाय.घोड्यांच्या शर्यती हा त्यांचा छंद आणि घोड्यांची पैदास हा व्यवसाय.

ब्रिटिश गेले आणि भारतीयांना घोड्याच्या शर्यतीत फारसं स्वारस्य उरलं नाही. धंदा डबघाईला आला.

लोणावळ्यापासून पुण्यापर्यंत पसरलेल्या जमिनी टिकवायच्या, शेकडो घोडे जगवायचे ही काही खायची गोष्ट नव्हती. घोड्यांचा व्यवसाय बंद करण्याचा विचार सायरस पूनावाला यांनी साठच्या दशकातच चालवला होता.

दरम्यान त्यांनी स्पोर्ट्सकार बनवून विकण्याचा दुबळा प्रयत्न केला. पण तेव्हा असल्या शोभादर्शी उद्योगाला अमेरिका आणि युरोपमध्ये वाव होता.

भारतात देशी श्रीमंतांची मानसिकता लोकल फ्लॅमबॉयन्स विकसित करण्याची नव्हती.

पूनावाला आपले शर्यतीतून बाद झालेले घोडे हाफकिनला डोनेट करायचे. लस तयार करण्यासाठी घोड्यांचं रक्त बेस म्हणून वापरलं जातं. डोनेट करता करता पूनावालाने हाफकिनच्या एका पशुंच्या डॉक्टरकडून यातलं इंगित जाणून घेतलं आणि त्यांच्या लक्षात आलं की आधुनिक वैद्यकशास्त्रात त्यांचे घोडेच त्यांना पैसा मिळवून देणार.

घोड्याच्या रक्तापासून अँटिटॉक्सिन तयार करण्याच्या जुन्या उद्योगाला त्यांनी आधुनिक विज्ञानाची जोड दिली. १९६६ साली पुण्यात सिरम इन्स्टिट्यूटची पायाभरणी केली. घरचे घोडे होतेच. सिरम इन्स्टिट्यूटने अक्षरशः लशींचा रतीब घालायला सुरुवात केली. १९७४ साली सिरम इन्स्टिट्यूटने घटसर्पावरची एक लस तयार केली.

डांग्या खोकल्यावर औषध काढलं. १९८१ साली त्यांची सर्पदंशावरची प्रतिबंधक लस लोकप्रिय झाली. आज १०० हून अधिक देशांत सिरम इन्स्टिट्यूट लशी पुरवत असते. जगातल्या प्रत्येक दोन बालकांपैकी एकाला जी लस टोचली जाते ती सिरम इन्स्टिट्यूटची असते असं आत्मविश्वासाने पूनावाला सांगतात.

जी व्यक्ती साठच्या दशकात घोड्यांची पैदास करत होती ती आता वर्षाला ५० कोटी लशींचे डोस विकत भारतातला चौथ्या क्रमांकाचे श्रीमंत माणूस आहेत, तर जगातला १०० वा. पूनावालांची संपत्ती १३ अब्ज डॉलर्स इतकी आहे.

सिरम इन्स्टिट्यूटने युरोपातल्या आघाडीच्या दोन कंपन्या विकत घेतल्यात. १० हजार कोटींचा महसूल वर्षाला तयार करणारी ही कंपनी वर्षाला दीड अब्ज डोस तयार करू शकते. म्हणूनच जग संशोधनात कितीही पुढे असलं तरी शेवटी जगाला वाचवणारी लस भारतातच तयार होणार हे नक्की. कारण ऑक्सफर्डची जी लस तयार होते आहे तिच्या उत्पादनाचा करार पुण्यातल्या सिरम इन्स्टिट्यूटसोबत आहे. लोणावळ्याच्या स्टड फार्मवर तुम्हाला कधी बेफाम धावणारे घोडे दिसले तर त्यांना नमस्कार करायला विसरू नका. कारण या घोड्यांच्या अंगात दौडणारं रक्तच जगाला वाचवणार आहे.

आता सध्या कोरोणाच्या लसीचे संशोधन सिरम इन्स्टिट्यूट करत आहे .

लवकरच या लसीमुळे सर्व जग लवकरच कोरोणा मुक्त होऊ.अशी परमेश्वराजवळ प्रार्थना
🙏

Previous article🛑 ऑक्सफर्डच्या कोरोना लशीची किंमत…! पुनावाला यांची माहिती…🛑
Next article🛑 “सप्तशृंगी मंदिराचे” दार उघडा….! नाहितर गाव दत्तक घ्या – संस्थांनाची विनवणी 🛑
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here